Category: Odia

ପାଶୋରି ଦେଇଛୁ ଯୀଶୁଙ୍କ ପ୍ରେମ ହେଜି ମନେ ଆଜି କରି ସ୍ମରଣ
ସେହି ପ୍ରେମେ ପାଇଥିଲୁ ଯେ ପ୍ରାଣ
କରିବା ମନକୁ ପରିବର୍ଭନ (ଘୋଷା)

ଆମ ପାପ ଲାଗି କୁଶେ ପ୍ରାଣ ଦେଇ ଧାର ଧାର ରକ୍ତ ଛାତିରୁ ବୁହାଇ
ଏ ପର୍ଯ୍ୟନ୍ତ ତାଙ୍କ ପ୍ରେମେ ବଞ୍ଚିଣ ( ୨ ଥର)
ହରାଇ ବସିଛୁ ଯୀଶୁଙ୍କୁ ଜାଣ ||୧||

କହୁଥିବା ଯଦି ଭାଷା ଭାବବାଣୀ ସମସ୍ତ ନିଗୁଢ ତତ୍ତ୍ୱ ଜ୍ଞାନ ପୁଣି
କିନ୍ତୁ ଅନ୍ତରରେ ପ୍ରେମ ନଥିଲେ ( ୨ ଥର)
ଝମ୍ ଝିମ୍ ଶବ୍ଦ କରତାଳ ସ୍ଵରୂପ || ୨ ||

ଆମ ବିରୁଦ୍ଧରେ ଏହି କଥା ଅଛି କରିଅଛୁ ଯାହା ଆଦ୍ୟପ୍ରେମ ତ୍ୟାଗି
ଏଣୁ କେଉଁଠାରୁ ହେଲା ପତନ ( ୨ ଥର)
କରିବା ମନକୁ ପରିବର୍ତ୍ତନ ||୩||

କର ପ୍ରଭୁ କ୍ଷମା ଆମ ପାପ ସବୁ ଫେରି କରିଯିବୁ ଆଦ୍ୟ କର୍ମ ସବୁ
ପହଞ୍ଚାଅ ଶେଷ ସରଗଧାମ (୨ ଥର)
ଗାଇବୁ ତୁମରି ପ୍ରଶଂସା ଗାନ ||୪||

ସୂଚୀମାଳାକୁ ଫେରନ୍ତୁ

ପରିବର୍ତ୍ତିତ ଜୀବନ ମଧୁର ସୁବାସେ ପୂର୍ଣ୍ଣ
ଯୀଶୁଙ୍କୁ ପାଇଅଛି ଯିଏ ଧନ୍ୟ ତାର ଜୀବନ (ଘୋଷା)

ପ୍ରଭୁ ପରେ ବିଶ୍ବାସ ରକ୍ଷା କରେ ପାପୀଙ୍କୁ
ପୁରୁଣା ବିଷୟ ଚାଲିଯାଏ
ହୁଏ ସବୁ ନୂତନ (୪ଥର) || ୧ ||

ଅନୁତାପ ହୃଦୟେ ଲଭେ ସେ ପୁନର୍ଜନ୍ମ
ସୂର୍ଗୀୟ ଧନେ ସେ ଧନବାନ
ଆନନ୍ଦିତ ସେ ଜନ (୪ ଥର) || ୨ ||

ମୁକ୍ତି ପ୍ରାପ୍ତ ଜୀବନ ପବିତ୍ରତା ପଥରେ
କରଇ ସର୍ବଦା ଗମନ
କରେ ଉତ୍ତମ କର୍ମ (୪ ଥର) ||୩||

ମନ ପରିବର୍ତ୍ତନ କରିଛି ଯେଉଁ ଜନ
ସ୍ଵଭାବ ତା’ ଯୀଶୁ ଅଧୀନ
କରଇ ସଂଶୋଧନ (୪ ଥର) ||୪||

ସୂଚୀମାଳାକୁ ଫେରନ୍ତୁ

ପର୍ବତଗଣ ପ୍ରତି ମୁଁ ଚାହିଁବି
କେଉଁଠାରୁ ଆସିବ ମୋ ସାହାଯ୍ୟ
ଆକାଶ ଓ ପୃଥିବୀର ନିର୍ମାଣକାରୀ
ସେଇ ସଦାପ୍ରଭୁ ମୋର ସାହାଯ୍ୟକାରୀ
ତାଙ୍କଠୁ ଲଭିବି ସାହାଯ୍ୟ (ଘୋଷା)

ବିଚଳିତ ହେବ ନାହିଁ ଚରଣ ତୋର
ଘୁମାଇବେ ନାହିଁ ପ୍ରଭୁ ରକ୍ଷକ ତୋର
ସେ ଘୁମାଇବେ ନାହିଁ, ସେ ନିଦ୍ରା ଯିବେ ନାହିଁ
ସଦାପ୍ରଭୁ ଇସ୍ରାୟେଲ ରକ୍ଷକ ତାଙ୍କଠୁ ଲଭିବି ସାହାଯ୍ୟ ||୧||

ଦକ୍ଷିଣ ପାର୍ଶ୍ଵର ଛାୟା ପ୍ରଭୁ ଯେ ତୋର
ସୂର୍ଯ୍ୟ ଚନ୍ଦ୍ର କରିବେନି କ୍ଷତି ତୋହର
ସେ ବିପଦୁ ରଖିବେ ସେ ରକ୍ଷା ଯେ କରିବେ
ବାହାରେ ଭିତରେ ପ୍ରଭୁ ରକ୍ଷକ ତାଙ୍କଠୁ ଲଭିବି ସାହାଯ୍ୟ || ୨ ||

ସୂଚୀମାଳାକୁ ଫେରନ୍ତୁ

ନୀରବେ କେତେ କାନ୍ଦିବି ଯୀଶୁ ହେ
କିଏ ଶୁଣିବ ମୋ କାନ୍ଦଣା
କିଏ ସେ ମୋ ଦୁଃଖ ଦେଖିବ ପ୍ରଭୁ ହେ
କିଏ ଫେଡ଼ିବ ମୋ ଯାତନା (ଘୋଷା)

ପଡ଼ିଛି ପରା ମୁଁ ଚରଣ ତଳେ
ବିକଳେ ପରାଣ କାନ୍ଦ ଆକୁଳେ
ଦିଅ ଦେଖା ହୃଦୟ ସଖା, ନିବାରି ମରମ ବେଦନା || ୧ ||

ସେ ରୂପ ମାଧୁରୀ ଦେଖିବା ଦିନୁ
ନିରବଧୂ ନୀର ଝରେ ନୟନୁ ।
ଅରୂପ ରୂପ ପ୍ରଣୟ-ଦୀପ ଦେଖା ଦେଇ ଲୁଚିଯାଅନା || ୨ ||

ଜାଣିଛି ଅନ୍ତର, ଅନ୍ତରଯାମୀ
ଜାଣିଶୁଣି କିମ୍ପା କନ୍ଦାଅ ପୁଣି
ଆହେ ଦୟାମୟ, କରୁଣା ନିଳୟ ମୋରେ କିମ୍ପା ଉଣା କରୁଣା ||୩||

ସୂଚୀମାଳାକୁ ଫେରନ୍ତୁ

ନିତି ଦିନ ଭଜୁଥିବି ଯୀଶୁ ନାମ ମୋ ଯୀଶୁ ନାମ
ସେହି ମୋର ପରିତ୍ରାଣ ୨ ଥର)ମୁକତି ଧାମ (ଘୋଷା)

ସେ ନାମରେ ମିଳେ ଶାନ୍ତି ସେ ନାମେ ମିଳଇ ମୁକ୍ତି
ସେହି ମୋର ଯୀଶୁ ପ୍ରିୟତମ ସେ ନାମେ ଯାଏ ଦୁଃଖ
ଯେ ନାମେ ଅନନ୍ତ ସୁଖ ଗାଉଥିବି ସଦା ସେହି ଯୀଶୁଙ୍କ ନାମ ||୧||

ସେହି ନାମେ ଅଛି ଶକ୍ତି ସେ ନାମରେ ଦିନ ରାତି
ବିତି ଯାଉ ମୋର ପ୍ରତିକ୍ଷଣ ପାପୀ ପାଇଁ ସେହି ନାମ
କ୍ଷମା ଭରା ସଖୀବନ ଅଛି ପୁଣି ସେହି ନାମେ ଅମୃତ ପ୍ରେମ ||୨||

ସୂଚୀମାଳାକୁ ଫେରନ୍ତୁ

ନାହିଁ ସମୟ କାଳ ଦିନ, ପାଖେଇ ଆସିଲା ପ୍ରଭୁଙ୍କ ଆଗମନ
ପାପଠାରୁ ରହି ଭିନ୍ନ ହୋ… ପାଇ ଆମେ ପରିତ୍ରାଣ
ଯୀଶୁଙ୍କୁ ଦେବାଏ ମନରେ… ମନରେ… ମନରେ (ଘୋଷା)

ଛାଡ଼ିଯିବା ଆମେ ମରତ ପୁର ସୂର୍ଗ ହେବ ଆମ ଘର
ସର୍ଗ ସିଂହାସନେ ବସାଇବେ ପ୍ରଭୁ କ୍ଷୁଧା ତୃଷା ହେବ ଦୂର
ପାଇଲେ ଶାଶ୍ୱତ ପ୍ରେମ ହିଁ ପୁଲକିତ ହେବ ମନ
ଧନ୍ୟ ହେବ ଆମ ଜୀବନ… ଜୀବନ…ଜୀବନ || ୧ ||

ଯିଏ ଜାଣି ନାହିଁ ଜଣାଇ ଦେବା ପ୍ରଭୁ ଆଗମନ କଥା
ଜାଣିଶୁଣି ଯିଏ ବୁଲାଇବ ମଥା ଭୋଗିବ ନରକ ବ୍ୟଥା
ଆଉ ଭାଇ ବେଳ ନାହିଁ, ହୋ…. ଉଦ୍ଧାର ପାଇବ ନାହିଁ
ବେଳ ଥାଉ ଥାଉ ଫେରା ମନରେ…ମନରେ…ମନରେ || ୨ ||

ସୂଚୀମାଳାକୁ ଫେରନ୍ତୁ

ଧନ୍ୟବାଦ ପ୍ରଶଂସା କର ସାଧୁଗଣେ ହୋଇ ଏକ ଚିତ୍ତ
ପ୍ରଭୁମାନଙ୍କର ପ୍ରଭୁଙ୍କର, ରାଜାମାନଙ୍କର ରାଜାଙ୍କର
ହାଲିଲୁୟା…..ହାଲିଲୁୟା….. ହାଲିଲୁୟା…..(ଘୋଷା)

ଦୟାମୟ ପିତା କରୁଛି ଅର୍ପଣ ପାପ ଭରା କଳୁଷିତ ଜୀବନ
ଭଙ୍ଗା ହୃଦୟକୁ କରି ହେ ଗଠନ, ଚଳାଇ ନିଅ ମୋ ସାରା ଜୀବନ
ତୁମ ଛଡ଼ା ନାହିଁ କାହିଁ ପରିତ୍ରାଣ, ସ୍ବର୍ଗ ମର୍ଭ ପାତାଳ ତ୍ରିଭୂବନ || ୧ ||

ଉଦ୍ଦୀପିତ କର ଶିଥିଳ ଜୀବନ, ଢ଼ାଳିଦିଅ ପ୍ରଭୁ ଆଶିଷ ଦାନ
ପବିତ୍ର ଆତ୍ମାରେ କର ପରିପୂର୍ଣ୍ଣ, ଜାଗି ଉଠିବ ହୋଇ ବଳବାନ
ଗାଉଥିବି ସଦା ପ୍ରିୟ ଯୀଶୁ ନାମ, ତ୍ୟାଗ କରି ସବୁ ପାପମାନ || ୨ ||

ଏ ଭବ ସାଗରୁ କର ମୋତେ ପାର, ହାତ ଧରିଥାଅ ସଦା ମୋହର
ତୁମ ଠାରେ ପ୍ରଭୁ କରୁଛି ନିର୍ଭର ପାଇବାକୁ ସ୍ୱର୍ଗ ପୁରସ୍କାର
ହୃଦୟ ମନ୍ଦିରେ କର ଅଧିଷ୍ଠାନ ସଦାପ୍ରଭୁ ମୋର ପ୍ରିୟତମ ||୩||

ସୂଚୀମାଳାକୁ ଫେରନ୍ତୁ

ନ ଭୁଲରେ ଯୀଶୁଙ୍କ ଅଭୁଲା ପ୍ରେମ ନ ଭୁଲରେ ଯୀଶୁଙ୍କ ଅତୁଳ ପ୍ରେମ
ତୋହରି ପାଇଁ କୃଶରେ ସେହି… ଦେଲେ ଜୀବନ (ଘୋଷା)

ତୋହରି ପାପ ମୁକତି ପାଇଁ ଆସିଲେ ସରଗ ଛାଡ଼ି
ସାଧୁ, ସରାଫ, କିରୁବଙ୍କର ପୂଜା ଆରାଧନା ଏଡ଼ି,
ତୋହରି ପାଇଁ…ରକତ ଦେଇ… ଦେଲେ ଜୀବନ ||୧||

ଶୟତାନର ପାପ ବନ୍ଧନୁ ମୁକୁଳାଇବାର ପାଇଁ
ନରକ ଦୁଃଖ ଯନ୍ତ୍ରଣା ଯେତେ ଯେହ୍ନ ନ ଭୋଗିବୁ ତୁହି
ତୋହରି ପାଇଁ…ଦୁଃଖ ସେ ସହି…ଦେଲେ ଜୀବନ || ୨ ||

ମୁଣ୍ଡରେ ପିନ୍ଧି କଣ୍ଟା ମୁକୁଟ ଖାଇଲେ ଗୁପୁଡ଼ା ମାଡ଼
କୋରଡ଼ା ଛାଟେ ହୋଇଥିଲା ଯେ, ଶରୀର ଯାକ ଶିଆର
ତୋହରି ପାଇଁ… ଯନ୍ତ୍ରଣା ସହି…ଦେଲେ ଜୀବନ ||୩||

ସୂଚୀମାଳାକୁ ଫେରନ୍ତୁ

ଧନ୍ୟବାଦ ଘେନ ପ୍ରଭୁ… ଭଙ୍ଗା ମୋ ଅନ୍ତରର
ସ୍ତୁତି ପ୍ରଶଂସା ହେଉ; ସଦାପ୍ରଭୁ ହେ ତୁମର
ଧନ୍ୟବାଦ ହେଉ…..(୪ ଥର)
ଆହେ ସତ୍ୟ ସନାତନ ପରମେଶ୍ଵର (ଘୋଷା)

ତୁମେ ପଥ, ତୁମେ ସତ୍ୟ, ଜୀବନ ଏ ଜଗତର
ଶାନ୍ତିଦାତା, ମୁକ୍ତିଦାତା, ଶକ୍ତିଦାତା ପରମେଶ୍ଵର
ହେ କରୁଣାମୟ…. ହେ ମଙ୍ଗଳମୟ ( ୨ ଥର)
ଧନ୍ୟ, ଧନ୍ୟ, ଧନ୍ୟ ହେଉ ନାମ ତୁମର || ୧ ||

ସୃଷ୍ଟିକର୍ତ୍ତା, ତ୍ରାଣକର୍ତ୍ତା, ରକ୍ଷାକର୍ଷା ଜଗତର
ଦୟାମୟ, କ୍ଷମାମୟ, ପ୍ରେମମୟ, ସତ୍ୟ ଈଶ୍ଵର
ଆହେ ସୁଧାମୟ…. ଆହେ ମଧୁମୟ (୨ ଥର)
ଯୁଗେ ଯୁଗେ ଧନ୍ୟ ହେଉ ନାମ ତୁମର || ୨ ||

ସୂଚୀମାଳାକୁ ଫେରନ୍ତୁ

ଧନ୍ୟବାଦ ଘେନ ପ୍ରଭୁ ପ୍ରଶଂସା ତୁମେ ଘେନ (ଘୋଷା)

ମଙ୍ଗଳମୟ ପ୍ରଭୁ ତୁମେ
କରୁଣାମୟ ଯୀଶୁ ତୁମେ
ପାଇଛୁ ଯାହା ଜୀବନେ ଆମ
ସବୁ ତ ତୁମରି କରୁଣା ଦାନ || ୧ ||

ଜୀବନଦାତା, ପ୍ରଭୁ ତୁମେ
ମୁକତିଦାତା, ଯୀଶୁ ତୁମେ
କୁଶେ ଚଢ଼ିଲ ଜୀବନ ଦେଲ
ତୁମ ପ୍ରେମ ଅନୁପମ || ୨ ||

ଭୁଲିବୁନି କେବେ ପ୍ରଭୁ ତୁମରି ପ୍ରେମ
ପାଇଛୁ ଯାହା ମଙ୍ଗଳ ଦାନ
ଦେବାକୁ ପ୍ରଭୁ ଚରଣେ ତୁମ
ନାହିଁ କିଛି ପ୍ରତିଦାନ ||୩||

ସୂଚୀମାଳାକୁ ଫେରନ୍ତୁ