Odia Christian Song Lyrics
ସଦାପ୍ରଭୁ ମୋର ପ୍ରତିପାଳକ
ସଦାପ୍ରଭୁ ମୋର ପ୍ରିୟପାଳକ
ଅଭାବ ମୋହର ହେବ ନାହିଁ
ହେବ ନାହିଁ, ହେବ ନାହିଁ (ଘୋଷା)
ତୃଣମୟ ସ୍ଥାନରେ ଶୟନ କରାନ୍ତି ।
ସ୍ଥିର ଜଳ ପାଖେ ପାଖେ କଢ଼ାଇ ନିଅନ୍ତି
ସେ ମୋ ପ୍ରାଣକୁ ସୁସ୍ଥ କରନ୍ତି
ଧର୍ମ ପଥେ ମୋତେ କଢ଼ାଇ ନିଅନ୍ତି || ୧ ||
ମୃତ୍ୟୁଚ୍ଛାୟା ପଥରେ କରିଲେ ଗମନ
ଆପଦକୁ କେବେହେଲେ କରିବିନି ଭୟ
ତୁମେ ସହବଢୀ ତୁମେ ମୋର ସାଥୀ
ସାନ୍ତନା ମୋହର ପ୍ରଭୁ ତୁମ ଯଷ୍ଟି || ୨ ||
ଶତୃଗଣ ସମୁଖେ ମେଜ ସଜାଇଛି
ତଇଳ ଢ଼ାଳି ମସ୍ତକ ସିକ୍ତ କରିଅଛୁ
ପାନ ପାତ୍ର ମୋର ଉଛୁଳି ପଡୁଛି
ମଙ୍ଗଳ, ଦୟା ମୋ ହେବ ଅନୁବର୍ତ୍ତୀ
ପ୍ରଭୁଙ୍କ ଗୃହ ମୋ ହେବ ନିବାସ
ଚିରକାଳ ତହିଁ କରିବି ବାସ || ୩ ||
ସାଗରୁ ଗଭୀର ଆକାଶରୁ ଉଚ୍ଚ ( ୨ ଥର)
ଯୀଶୁ ତୁମ ପ୍ରେମ ଅସୀମ
ଗାଇ ଗାଇ ସେହି ନାମ, ଭଜି ଭଜି ତୁମ ପ୍ରେମ
ବିତିଯାଉ ଏହି ଜୀବନ (ଘୋଷା)
ଅପବ୍ୟୟୀ ପୁତ୍ର ପରି ବୁଲୁଥିଲି
ହୋଇ ବାଟବଣା ଦିନେ ମେଷ ମୁଁ ତୁମରି
ପାଦରେ ପାଦୁକା ହାତ ମୁଦି ଦେଇ
ନୂଆଁ ଏକ ଗୀତ ମୋର ଓଠ ଦେଲ ଭରି
ଗାଇ ରାତି ଦିନ ତୁମ ସ୍ତୁତି ଗାନ ( ୨ ଥର)
ବିତି ଯାଉ ଏହି ଜୀବନ
କରୁଥିବି ଜୟଗାନ ମନ ଉପବନେ ପ୍ରଭୁ
ଜାଳିଦିଅ ଆତ୍ମାଙ୍କ ଦାନ || ୧ ||
କହିଗଲ ତୁମେ ଆସି ନେଇ ଯିବା
ଚିରକାଳ ସାଥେ ତୁମ ସରଗେ ରଖିବା
ସେ ବାଟକୁ ଚାହିଁ ଜାଗିଅଛି ମୁହିଁ
ହୃଦୟ ମନ୍ଦିରେ ତୁମ ପ୍ରଦୀପ ସଜାଇ
ଲୋଡ଼ା ନାହିଁ ମୋର ଧନ ଜନ ମାନ
ବିତି ଯାଉ ଏହି ଜୀବନ
ପ୍ରଭୁ ତୁମ ପାପୁଲିର କୋମଳ ପରଶେ ମୋର
ଧନ୍ୟ ହେଉ ଏହି ଜୀବନ || ୨ ||
ସାତରଙ୍ଗ ସାତ ସୁରେ ଗାଇଯିବା ମିଳନର ସୁମଧୁର ସଙ୍ଗୀତ
ମୁକତି ଯୀଶୁ ନାମରେ ଶକତି ଯୀଶୁ ନାମରେ
କହି ଯିବା ସାରା ଜଗତେ (ଘୋଷା)
ଖ୍ରୀଷ୍ଟ ଆମ ମଣ୍ଡଳୀର ମସ୍ତକ
ମାନି ଯିବା ସଦା ତାଙ୍କ ନିର୍ଦ୍ଦେଶ
ରକତେ କିଣା ଯେ ଆମେ
କନ୍ୟା ରୂପେ ଗଣା ଯେ ଆମେ
ଏହି ତ ଆମରି ଗଉରବ || ୧ ||
ଏକତା ଆମ ମୂଳ ମନ୍ତର
ବିଶ୍ବାସ ଅଟେ ସ୍ଵର୍ଗୀୟ ଜାଲ
ପ୍ରେମରେ ବଢ଼ିବା ଆମେ
ଶାନ୍ତିରେ ଚାଲିବା ଆମେ
ଏହି ତ ଖ୍ରୀଷ୍ଟିୟ ମହକ || ୨ ||
ସାଥି ଯିବା ଚାଲଗୋ
ଯିବା ଚାଲ ବେଥିଲିହିମ… ବେଥିଲିହିମ…
ଦୂରେ ଚାହିଁ ଦେଖି ହସୁଛି ତାରା
ହାତ ଠାରି ତୋତେ ଡାକୁଛି ପରା
ହୋଇଛନ୍ତି ଯହିଁ ଯୀଶୁ ଜନମ, ଯୀଶୁ ଜନମ (ଘୋଷା)
ସରଗର ସୁଖ ଛାଡ଼ି; ଆମ ଦୁଃଖ ନେବେ ବହି
ପାପୀ ପାପ ସବୁ ନେବେ; ନୂଆଁ ଜୀବନ ସେ ଦେବେ
ତାଙ୍କ ପାଦେ ଆମେ ଭକତି ଭରେ ।
ଜଣାଇବା ଚାଲ ଆମ ପ୍ରଣାମ
ଯିବା ଚାଲ ବେଥିଲିହିମ… ବୈଥିଲିହିମ… || ୧ ||
ପୁଲକିତ ହୁଏ ଧରା, ଝରେ ଆନନ୍ଦର ଧାରା
ଶୁଭେ ପ୍ରଭୁଙ୍କର ଗୀତି, ଭରିଯାଏ ଶାନ୍ତି ପୀତି
ରାଜାଙ୍କର ରାଜା ଆମ ଯୀଶୁ ରାଜା
ସେହି ଯେ ମସୀହ ଶାନ୍ତି ପରମ
ଯିବା ଚାଲ ବେଥିଲିହିମ.. ବେଥିଲିହିମ… || ୨ ||
ସାନ ସାନ ପିଲା ଆମେ
ସରଗ କଳି..ଆମେ ସରଗ କଳି….
ଛୋଟ ଦୀପ ପରି ଆମେ ଯିବୁରେ ଜଳି..ଆମେ..(ଘୋଷା)
ଆମ ମନେ ନାହିଁ ଭେଦ ଛଳନା କେବେ
ଆମ ଲୁହ ଆର କ୍ଷଣେ ହସରେ ଲିଭେ
ସେହି ହସ ଝରିଯାଏ ମୁକୁତା ଭଳି…ସେ ଯେ ମୁକୁତା ଭଳି || ୧ ||
ଯୀଶୁ ବାପା ଆମ ସାଥି ଆମେ ତ ମେଷ
ନେଇଯାନ୍ତି ସେ ଆମରି ଦୁଃଖ ଅଶେଷ
ଆମେ କରୁ ତାଙ୍କ ଜୟ ପ୍ରଶଂସା ତୋଳି… ତାଙ୍କ ପ୍ରଶଂସା ତୋଳି || ୨ ||
ସୁଖ ଦିନେ ମୁଁ ତ, ତୁମକୁ ଦେଇଛି ପାଶୋରି
ଆଜି ଦୁଃଖ ବେଳେ ତୁମକୁ ଡାକିଲେ
ଆଜି ଦୁଃଖ ଦିନେ ତୁମକୁ ହେଜିଲେ
କରୁଣା ଦେବ କି ଜାଳି
ପ୍ରଭୁ ତୁମକୁ ଦେଇଛି ପାଶୋରି (ଘୋଷା)
ଅଳୀକ ଜଗତେ ସୁଖର ମୂଳ୍ପନା
ରଖିଥିଲା ମୋତେ କରି ବନ୍ଦାପନା
ସେ ବେଳେ ତୁମକୁ ଡାକିନାହିଁ ପ୍ରଭୁ
ସୁଖ ସାଗରରେ ସନ୍ତରି
ପ୍ରଭୁ ତୁମକୁ ଦେଇଛି ପାଶୋରି || ୧ ||
କରି ଅନୁତାପ ଡାକୁଛି ହେ ପ୍ରଭୁ
କ୍ଷମା କର ଆଜି ମୋର ପାପ ସବୁ
ଅବାଧ ମୁଁ ଦୀନ ଶପଥ କରୁଛି
ହେଜିବି ତୁମକୁ ମନରେ ମୁଁ ନିତି
ଦୁଃଖ ନିଅ ହେ ମୋହରି
ପ୍ରଭୁ ତୁମକୁ ଯିବିନି ପାଶୋରି || ୨ ||
ସୀମାହୀନ ଆକାଶର ନୀଳିମାରେ
କହିଯାଏ ତାରାଟିଏ
ଜନମିଛି ତୁମପାଇଁ ଧରାପରେ….
ସରଗର ଶିଶୁଟିଏ (ଘୋଷା)
ସୁନ୍ଦର ଶିଶୁ ରୂପରେ, ଶାନ୍ତିରାଜା ଜନମିଲେ
ସରଗ ଶାନ୍ତିର ବାଣୀ, ପ୍ରେମରେ ସେ ଢାଳିଦେଲେ
ମୁକତିର ପଥ କରି ଆଲୋକିତ ପ୍ରଣୋଦନ ସେ ହୋଇଲେ
ସରଗର ଶିଶୁଟିଏ || ୧ ||
ବାକ୍ୟରୁପି ହୋଇ ନିଜେ ମାନବ ରୂପ ଧରିଲେ
ତାଙ୍କ ମହା କରୁଣାରେ, ଦୁଃଖୀ ଦୁଃଖ ନେଇଗଲେ
ପାପୀ ମାନବକୁ ଆମର ପ୍ରେମରେ ଅନନ୍ତ ଜୀବନ ଦେଲେ
ସରଗର ଶିଶୁଟିଏ || ୨ ||
Lyrics/Composition: Late Mr. Tapan Suna (Balangir, Odisha)
ସେ ନଦୀର ଉପକୂଳ
କି ସୁରମ୍ୟ ଛଳ ଛଳ
ବହେ ତହିଁ ପ୍ରେମ ଜଳ ଉପୁରି ତା ସ୍ବର୍ଗସ୍ଥଳ (ଘୋଷା)
ସେ ନଦୀ ଜଳରେ ଭାଇ ପାପ ଦାଗ ଯାଏ ଧୋଇ
ଯେତେ ପାପୀ ସବୁ ଚାଲ ଯିବା ସେ ନଦୀର କୂଳ || ୧ ||
ପାପୀ ଜନ ନିରାଶାରେ ମରୁଥିଲେ ଯେ ତୃଷାରେ
ଦେବାକୁ ଅମୃତ ଜଳ, ବହିଲା ସେ ନଦୀ ଜଳ || ୨ ||
ଅମୃତ ଜଳର ଉତ୍ସ ନିଜେ ପ୍ରଭୁ ଯୀଶୁ ଖ୍ରୀଷ୍ଟ
ଡାକୁଛନ୍ତି ଆସ ପିଇ ବଞ୍ଚିବ ଅନନ୍ତ କାଳ || ୩ ||
ଯୀଶୁର ନାମ
ଯୀଶୁର ନାମ
ଯୀଶୁର ନାମ ପ୍ରିୟ ନାମ
ହାଲ୍ଲିଲୁୟା ଯୀଶୁ ହାଲୁୟା (ଘୋଷା)
ହୃଦେ ନିଅ ଯୀଶୁ ନାମ, ଧାନେ ନିଅ ସେହି ନାମ ହୋ..
ମହାନ ଅଟେ ସେ ନାମ, ଜ୍ଞାନେ ଭରା ସେହି ନାମ
ଯୀଶୁର ପ୍ରିୟ ନାମ ଗାଅ ଗାଅ ହେ || ୧ ||
ମୁକ୍ତି ଦିଏ ଯୀଶୁ ନାମ, ଶାନ୍ତିମୟ ସେହି ନାମ, ହୋ…
ଜୟ ଦିଏ ଯୀଶୁ ନାମ, ଲୟ ଦିଏ ସେହି ନାମ
ଯୀଶୁର ପ୍ରିୟ ନାମ ଗାଅ ଗାଅ ହେ || ୨ ||
ଆଶାଦିଏ ଯୀଶୁ ନାମ, ଦିଏ ଶରଣ ସେହି ନାମ ହୋ..
ଆନନ୍ଦମୟ ସେ ନାମ, ଅନନ୍ତ କାଳୀନ ନାମ
ଯୀଶୁର ପ୍ରିୟ ନାମ ଗାଅ ଗାଅ ହେ || ୩ ||
ଯୀଶୁ ନାମ ଗାଇଯିବା ସେ ପବିତ୍ର ନାମ
ଯୀଶୁ ନାମ କହିଯିବା ସେ ପବିତ୍ର ନାମ
ଏକ ମାତ୍ର ସେ ନାମ ଦିଏ ନୂଆ ଜୀବନ
ତ୍ରିଭୁବନେ ନାହି ଆଉ ସେ ନାମ ସମ (ଘୋଷା)
ହୃଦେ ନେଇ ଯୀଶୁ ନାମ କରିବା ଧାନ
ଅତୁଳ ଅମର ସେହି ସୁଧା ନାମ
ଅମୃତ ନିଝିର ସେ ଯେ ବହେ ଝର ଝର
ଅଟଇ ସେ ମିଷ୍ଟତମ ସେ ଯୀଶୁ ନାମ
ଯୀଶୁଙ୍କ ଚରଣେ
ନେବା ଆଜି ଶରଣ || ୧ ||
ସେ ନାମରେ ଅଛି ପ୍ରେମ ସେ ନାମେ ମିଳନ
ସେ ନାମରେ ଲଭେ ପାପୀ ଅନନ୍ତ ଜୀବନ
ସେ ନାମରେ ଭୟ ଦୁଃଖ ଦୂର ହୁଏ ଜାଣ
ସେ ନାମରେ ଅଛି ଶକ୍ତି ଶାନ୍ତିର ସନ୍ଧାନ
ଯୀଶୁ ନାମେ ହେଉ ସଦା
ମହା ଜୟଗାନ || ୨ ||