ଆଜି ସୁପ୍ରଭାତେ ଆସ ଯିବା ଭାଇ
ନବ ପ୍ରେମେ ମିଳି ଯୀଶୁ ନାମ ଗାଇ । ଘୋଷା ।
ସ୍ୱଗୁଁ ଅବତରି ସୁର ପ୍ରଭୁ
ଭବେ ଜନମିଲେ ନର ତ୍ରାଣ ପାଇଁ । ୧ ।
ଭାଇ ଭଗିନୀ ସର୍ବେ ଜଡ଼ତା ଛାଡ଼ି
ପାପାତ୍ମାର ସର୍ବ ଶୃଙ୍ଖଳା ବେଡ଼ି ଭଙ୍ଗ କରି ଆସ ମୁକୁଳିବା
ପ୍ରେମେ ଏକ ହୋଇ ଯୀଶୁ ନାମ ଗାଇ । ୨ ।
Category: Odia
Odia Christian Song Lyrics
-
jaago re soiniko aartho janataa daake
( ସ୍ୱର : ତୁଙ୍ଗ ଶିଖରୀ ଚୁଳ, କୁଞ୍ଜ କାନନ ମାଳ )
ଜାଗରେ ସଇନିକେ ଆର୍ତ୍ତ ଜନତା ଡାକେ ରାତ୍ରିର ଅନ୍ଧକାରେ ପଥ ବାଉଳା,
ଶତ୍ରୁ ଚଉଦିଗେ ହୁଙ୍କାର ଶବଦେ
କରି ଦିଏ କ୍ଷଣେ କ୍ଷଣେ ଛାତି ପତଳା । ଘୋଷା ।
ତେଜି ଉଠ ତରୁଣ ସୈନିକ ଦଳ
ଯାଚି ଘେନ ସେନାପତି ବାକ୍ୟ ବଳ
ଆଲୋକର ଶିଖା ଜାଳି, ଅନ୍ଧକାର ଦିଅ ଦଳି
ଯାଉ ଜଳି ଅଶରୀର ବାରୁଦ ଗୋଳା । ୧ ।
କେହି ଯେବେ ଏ ଅବଧି ରଣ ସଜ୍ଜା
ପିନ୍ଧି ନାହିଁ – ଏବେ ପିନ୍ଧି ଫିଙ୍ଗି ଲଜ୍ଜା
ନୁହେଁ ଖାଲି ସେ ଭୂଷଣ, ରକ୍ଷା କବଚ ପୁଣ
ଉତ୍ତାଳ ଦରିଆରେ ଅଟଳ ଭେଳା । ୨ ।
ଶୁଣୁ ତୁମ ଦୁର୍ଯ୍ୟଧ୍ୱନି ତୃପ୍ତ ଜନତା
ତୁଟିଯାଉ ମୃତ୍ୟୁଭୟ ଅଈରୀ ଚିନ୍ତା ମୃତ୍ୟୁଞ୍ଜୟୀ ସେନାପତି ସଦା ଆଗେ ଚାଲିଛନ୍ତି
ଅନୁସରି ଆଗ ବଢ଼ ନ କରି ହେଳା । ୩ ।
-
doyamaya jishu priya hai moro
(ସ୍ୱର : ଦୟାମୟ ଯୀଶୁ ଧନ ହେ)
ଦୟାମୟ ଯୀଶୁ ପ୍ରିୟ ହେ ମୋର ସବୁ କିଛି ତୁମେ ନିଅ । ଘୋଷା ।
ନିଅ ବୋଲି ପ୍ରଭୁ ଦେଲି ମୁହିଁ ତୋଳି
ଅତୀତ ଜୀବନ ଶତ ବ୍ୟଥା କାଳି; ଲହୁ ଲୁହେ ଧୋଇ ଦିଅ ପ୍ରେମମୟ
ତୁମ ଯୋଗ୍ୟ କରି ନିଅ ହେ । ୧ ।
କ୍ରୁଶ କୋରଡ଼ାରେ ଦିଅ ଭାଙ୍ଗି ଦିଅ ସଂସାରର ଶତ ବାସନାର ମୋହ,
ନାହିଁ ମୋର ଶକ୍ତି ଟାଣେ ଜଗତ୍ପତି
ତୁମ ଶକ୍ତି ମୋତେ ଦିଅ ହେ । ୨ ।
ଲାଜ, ଅପମାନ, ଯଶ, ସନମାନ
ତୁମ ପ୍ରେମେ ଯେହ୍ନେ ହୁଏ ଗୋ ସମାନ
କାଲବେରୀ ସ୍ରୋତ ପ୍ରେମର ସଙ୍ଗୀତ ବୁକୁ ତଳେ ମୋର ଦିଅ ହେ । ୩ ।
ଗର୍ବ ଦମ୍ଭ ମୋର ସବୁ କରି ଚୂର୍ଣ୍ଣ
ନିଅ ତୁମେ ମୋର ଭଙ୍ଗା ଚୂନା ମନ
ତୁମରି ବାସନା ପୁରାଇ ଜୀବନେ ସଦା ମୋର ପାଶେ ଥାଅ ହେ । ୪ ।
-
chira bandhubara jishu hai sundara
ଚିର ବନ୍ଧୁବର ଯୀଶୁ ହେ ସୁନ୍ଦର
କଳୁଷ ପରାଣେ ରାଜ ଗୋ, ହେ ବିଶ୍ୱ ଗୌରବ
ସ୍ୱରଗ ବିଭବ ସମାଜ ପରାଣେ ସାଜ ଗୋ । ଘୋଷା ।
ପ୍ରଣମି କରୁଗୋ ତୁମଠି ଅଳି,
ଆହେ ପାପହାରୀ ପ୍ରାଣ ସଙ୍ଖାଳି,
ଅଜ୍ଞାନ ପରାଣୁ ପାପର କାଳିମା
ତୁମରି ଆଲୋକେ ମାଜ ଗୋ । ୧ ।
ଏ ଭବ ଅସାର ମାୟା ମମତା ହରି ନେଲାଣି ଗୋ ଜୀବନ ସତ୍ତା,
ଆହେ ଜୀବଧାରି, ଜୀବନ-ମୁରଲୀ
ବଜାଅ ମୃତ ପରାଣେ ଗୋ । ୨ ।
-
sundara madhura naamoti taankara
ସୁନ୍ଦର ମଧୁର ନାମଟି ତାଙ୍କର
ନ ପାରେ ମୁରୁଛି କ୍ଷଣେ ମାତର ଯେଣେ ଗଲେ ତେଣେ ନାଚେ ହୃଦ ମୋର
କି ଜାଣି କାହିଁକି, ନୁହଇ ପାସୋର । ଘୋଷା ।
ଦୁଇ ଦୁଇ କରି ଚାରୋଟି ଅକ୍ଷର ବାନ୍ଧି ରଖିଅଛି ସରଗ ସମ୍ଭାର
ଆଡ଼ କାଠେ ଛନ୍ଦା ସେହି ନାମ ଚିର ହେଜୁ ନ ହେଜୁଣୁ ପୁଲକେ ଶରୀର । ୧ ।
ନୀତି ଚମତ୍କାର ପ୍ରୀତି ରତ୍ନାକର ପାପୁଁ ତରିବାରେ
ଅମୋହ ମନ୍ତର ନୋହିଁ ପଦପ୍ରାନ୍ତୁ ନିମିଷେ ଅନ୍ତର
ନାମ ଭଜନରେ ଯାଉ ଦିନ ମୋର । ୨ ।
-
praate diya darasana jibana dhana
(ସ୍ୱର : ଆହା କି ମଧୁର ତବ ପ୍ରେମ ପରଶ)
ପ୍ରାତେ ଦିଅ ଦରଶନ, ଜୀବନ ଧନ
ତୁମେ ପରା ପାପହରା, ମୁକ୍ତିଦାତା ଜ୍ଞାନାଞ୍ଜନ । ଘୋଷା ।
ହୃଦୟ ଦୁଆର ଦେଇ ମୁଁ ଖୋଲି, ଡାକୁଛି ଆତୁରେ ମୋ ଯୀଶୁ ବୋଲି
ଆସ ତ୍ୱରା ସହୁ ନାହିଁ ବିଳମ୍ବ ଯେ ମୋର ପ୍ରାଣ । ୧ ।
ରଜନୀ ଅନ୍ଧାର ହେଲାଣି ଦୂର, ପୂରୁବ ନଭେ ଉଦେ ଦିବାକର
ହୃଦେ ମୋର ଉଦେ ହୋଇ ନାଶି ଦିଅ ପାପତମ । ୨ ।
ଶୁଣଇ ମୋ କାନ ଯେତେ ଶବଦ, ନର ପଶୁ ପକ୍ଷୀ ସବୁରି ରବ
ପୁଲକିତ ହେଉ ହୃଦ ଶୁଣି ନାଥ ତୁମ ସ୍ୱନ । ୩ ।
ପଦେ ଅଳି ନାଥ ଦିଅ ହେ ଶକତି, ଦେଖିବାକୁ ତୁମ ଶ୍ରୀମୁଖ ଜ୍ୟୋତି
ନ ହୁଡ଼ିବି ପଥ ଯେହ୍ନେ ଧରି ତୁମ ପଦ ଚିହ୍ନ । ୪ ।
-
doyaa maya jishu dhana hai mote sabutharu kara sano
ଦୟାମୟ ଯୀଶୁ ଧନ ହେ ମୋତେ ସବୁଠାରୁ କର ସାନ । ଘୋଷା ।
କର ପ୍ରଭୁ ମୋତେ ମାଟିଠାରୁ ହୀନ
ପିନ୍ଧାଅ ହେ ମୋତେ ନମ୍ରତା ଭୂଷଣ
ଧ ୂଳିରୁ ଆହୂତ ଏ ନିରାଟ ସତ୍ୟ ନ ଭୁଲିବି କଦାଚନ । ୧ ।
ମର ଶରୀରର ତେଜ ବୀର୍ଯ୍ୟ ବଳ,
ଜାଣେ ଦିନେ ଏହା ହୋଇବ ବିଫଳ
ଅନିତ୍ୟ ସିନା ଏ ରୂପ ଯଉବନ, ବୁଝିବାକୁ ଦିଅ ଜ୍ଞାନ । ୨ ।
ଧନ ଜନ ମାନ ଯଶ ପଉରୁଷ,
ଫିଙ୍ଗିବାକୁ ଦୂରେ ଦିଅ ହେ ସାହସ,
ଅନ୍ତର ରାଇଜେ ଦୟା କ୍ଷମା ପ୍ରେମ, ରହିଥାଉ ଚିରଦିନ । ୩ ।
ସଂସାର ରାଇଜେ ବଡ଼ ସଦା ବଡ଼,
ତୁମ ରାଜ୍ୟେ ଏକ ଛୋଟ ହୁଏ ବଡ଼ ଶିଶୁର ସ୍ୱଭାବ
ଦିଅ ପ୍ରଭୁ ଯେହ୍ନେ କୋଳରେ ପାଇବି ସ୍ଥାନ । ୪ ।
ଲାଜ ଅପମାନ ହେଉ ମୋ ସମ୍ମାନ,
ପଦ ଚିହ୍ନେ ତବ କରାଅ ଗମନ
ତୁମରି ପଦରେ ଜୀବନ ସାଥୀ ଗୋ, ଏହି ମୋର ନିବେଦନ । ୫ ।
-
niramala niramala niramala debataa
ନିରମଳ ନିରମଳ ନିରମଳ ଦେବତା
ସୁର ନର ପ୍ରଶଂସିତ ସୃଷ୍ଟିକରତା । ଧ୍ରୁବ ।
ଶକ୍ତିମୟ ବିଶ୍ୱପିତା ଜ୍ଞାନାଞ୍ଜନ ପ୍ରଦାତା
ବଳବୁଦ୍ଧି ବିଶାରଦ ନ୍ୟାୟ ପ୍ରଣେତା । ୧ ।
ପ୍ରେମମୟ ଅବତାର ଅଦ୍ୱିତୀୟ କୁମର
କରୁଣା କ୍ଷୀର ସାଗର ବିଶ୍ୱନିୟନ୍ତା । ୨ ।
କୃପାମୟ ‘ଯୁବାମେଷ’ କ୍ରୁଶାର୍ପିତ ନରେଶ,
ପତିତ ଜନ ବାନ୍ଧବ, ପାପହରତା । ୩ ।
ଜ୍ୟୋତିର୍ମୟ, ପବିତ୍ରାତ୍ମା, ସାରତତ୍ତ୍ୱ ବୋଧାତ୍ମା,
ଅନୁପମ ବରଦାତା ନୀତି ବିଧାତା । ୪ ।
ମଧୁମୟ ରତ୍ନାକର ସତ୍ୟ ଶିବ ସୁନ୍ଦର
କରେ ଭିକ୍ଷା, ଦିଅ ନାଥ ! ଭକ୍ତି ମମତା । ୫ ।
-
momo drudaya chandana jishu jaya jagata chandana
(ସ୍ୱର : ତୁମେ ଅଧମ ପତିତ ନରେ)
ମମ ହୃଦୟ ଚନ୍ଦନ ଯୀଶୁ ଜୟ ଜଗତ ଚନ୍ଦନ
ଅଣାକାର ପରମ ବ୍ରହ୍ମ ଜୟ ସତ୍ୟ ସନାତନ । ଘୋଷା ।
ପାତକୀ ଜୀବନ ଧନ ଜଗଜ୍ୟୋତି ଦୀନବନ୍ଧୁ ମନମୋହନ
ପାପହାରୀ ତ୍ରାଣକାରୀ ଜୟ ସର୍ବଶକ୍ତିମାନ । ୧ ।
ପତିତ ମୁକତି ପଥ ରୋଗ ଶୋକ ଦୁଃଖହାରୀ ଜଗତନାଥ
ଜୟ ଜୟ ମୃତ୍ୟୁଞ୍ଜୟ ଜୟ ବିଘ୍ନ ବିନାଶନ । ୨ ।
ଯୋଗୀ ଋଷି ଜପମାଳ ଭାବଗ୍ରାହୀ ହୃଦୟ ସ୍ୱାଇଁ ଦୁର୍ବଳ
ବଳ ଭକତର ଜ୍ଞାନଧନ ଜୟ ଭକତ ଭୂଷଣ । ୩ ।
ଅକୂଳ ସାଗର କୂଳ ଦୁଃଖୀ ରଙ୍କି କାଙ୍ଗାଳର ରତନ ଥାଳ
ମହୌଷଧି ଗୁଣନିଧି ଜୟ ବିପଦଭଞ୍ଜନ । ୪ ।
-
tumori ujjala pradipo jaalo
( ସ୍ୱର : ସୁଧାର ଭାରତ ଘୁମାବେ କତ )
ତୁମରି ଉଜ୍ଜ୍ୱଳ ପ୍ରଦୀପ ଜ୍ୱାଳ,
ଆମରି ଅନ୍ଧାର ଘରେ
ସବୁ ପାପ ନିଶା ଅପସରି ଯାଉ,
ତୁମ ଆଲୋକର ଜ୍ୟୋତିଃରେ । ଘୋଷା ।
କୋଣେ କୋଣେ ଯେତେ ଅନ୍ଧାର ଅଛି,
ତୁମରି ସ୍ପର୍ଶେ ଦିଅ ଗୋ ନାଶି,
ପରଶ ମଣିର ପ୍ରଦୀପ ତୁମର, ସୁନା କରି ଦେଉ ଆମରେ । ୧ ।
ଦୂରେଇ ଯାଉ ହେ ଅପ୍ରୀତି ନିଶା,
ଅପ୍ରେମ, ଅନ୍ଧାର, ଅସତ୍ୟ, ହିଂସା,
ଘରେ ଘରେ ଆମ ପ୍ରିୟ ଯୀଶୁ ନାମ,
ଶୁଭ ଶଙ୍ଖ ବାଜୁ ମଧୁରେ । ୨ ।
କ୍ଷୀଣ ଦୀପ ଆମ ନାହିଁ ଶକତି,
ଧୁକୁ ଧୁକୁ ଜ୍ୱଳି ଲିଭଇ ବତୀ,
ପରମ ଜ୍ୟୋତିରେ ଆମ ପରିବାର ଆଲୋକିତ କର ସତ୍ୱରେ । ୩ ।