ପ୍ରଭୁ କରୁଣାରେ ଆଶ୍ରୟ କରି
ତାଙ୍କ ବିଧୂ ସବୁ ହୃଦେ ଆଚରି
ଲକ୍ଷ୍ୟ ରଖି ପଦ ଚିହ୍ନ ଯିବି ମୁଁ ଅନୁସରି (ଘୋଷା)
ଏହି ଜଗତ ଦେବ ନାହିଁ ତ, ମନେ ସୁଖ ଶାନ୍ତି କିଛି ତ
ନାହିଁ ମୃତ୍ୟୁଝରା ଯୀଶୁ ପାଶେ ଭରା
ଅନନ୍ତ ଜୀବନର ଝରୀ… |୧|
ହୃଦ ବେଦନା ଚିନ୍ତା ଭାବନା ପ୍ରଲୋଭନ ପରୀକ୍ଷା ନାନା
ହୁଅଇ ପ୍ରବଳ ହେବି ମୁଁ ସବଳ
ପ୍ରିୟତମ ବୁକୁ ଆବରି… |୨|
କେଡ଼େ ଉତ୍ତମ ମୋ ପ୍ରିୟତମ
ଜାଣନ୍ତି ମୋ ସମସ୍ୟାମାନ
ମହତ ଆଶ୍ରୟ ନିକଟି ସହାୟ
ସଙ୍କଟେ ରଖିବେ ଆବରି… |୩|
ମହମବତୀ ଜଳେ ଯେମିତି
ଶେଷ ହେବାଯାଏ ଝଟତି
ମୋ ସାରା ଜୀବନ ଗୌରବ କାରଣ
ଜଳିଯିବି ନାମ ସୁମରି.. |୪|
ଆହେ ପ୍ରଭୁ ତୁମ କରୁଣାରେ ମୋତେ ଦୟାକର
ତୁମ କୃପା ବାହୁଲ୍ୟାନୁସାରେ
ଅଧର୍ମ ମାର୍ଜନା କର ||o||
ମୋ ଅପରାଧର ପ୍ରକ୍ଷାଳନ କର
ମୋତେ ପାପୁ ଶୁଚି କର ।
ଆହେ ପ୍ରଭୁ ତୁମ କରୁଣାରେ ମୋତେ ଦୟା କର
ତୁମ କୃପା ବାହୁଲ୍ୟନୁସାରେ, ଅଧର୍ମ ମାର୍ଜନା କର… (ଘୋଷା)
ମୋ ଅପରାଧର ପ୍ରକ୍ଷାଳନ କର
ମୋର ପପୁ ଶୁଚି କର
କରୁଛି ସ୍ଵୀକାର ଅଧର୍ମ ମୋହର
ପାପ କରେ ନିରନ୍ତର
ପାପ କରେ ମୁହ ନିରନ୍ତର ( ୨ ଥର)
ଧୋଇଦିଅ ପାପ ମୋର… |୧|
ଦେଖ ଅପରାଧେ ନିରିମିତ ହେଲି।
ମାତା ଗରଭେ ରହିଲି
ଧନ୍ୟ ପ୍ରଭୁ ତୁମେ ସତ୍ୟତା ଲୋଡ଼ିଲ
ଜ୍ଞାନ, ଶିକ୍ଷା ଦେବା ପାଇଁ
ଭରିଯାଉ ଜ୍ଞାନେ ମୋ ଅନ୍ତର (୨ ଥର)
ଏତିକି ମନତି ମୋର… |୨|
ଏଶୋବ ଦେଇ ନିରିମଳ କର, ତହିଁରେ ମୁଁ ଶୁଚି ହେବି
ପ୍ରକ୍ଷାଳନ କର ହୀମଠାରୁ ଶୁକ୍ଳ, ତହିଁରେ ପବିତ୍ର ହେବି
ଶରଣ ନେଉ ତୁମ ପୟରେ (୨ ଥର)
ଏ ମିନତି ଘେନ ମୋର…. |୩|
ଦୟାର ସାଗର ପ୍ରଭୁ ମୋ ଯୀଶୁ ଧନ
କାଲବରୀ କୁଶ ପରେ ଦେଲ ଜୀବନ (ଘୋଷା)
ପୃଷ୍ଠ ପରେ ଦେଖି ତାଙ୍କ କୋରଡ଼ାର ମାଡ
ଝରିପଡେ ସର୍ବାଙ୍ଗରୁ ରକତର ଧାର
କାଣେ ଭାରି କୁଶ ବୋହି କି ଯାତନା ସହି… |୧|
ଆସିଥଲେ ଦିନେ ସିଏ ପାପୀ ମୁକ୍ତି ପାଇଁ
ପାପ ଧୋଇ କଲେ ମୁକ୍ତି ନିଜ ରକ୍ତ ଦେଇ
ଯୀଶୁଖ୍ରୀଷ୍ଟ ନାମ ନେଇ ପଥ ସତ୍ୟ ହୋଇ… |୨|
କରୁଅଛି ନିବେଦନ ହେ ତ୍ରାଣ ରାଜନ
ଦୟାକରି ଦିଅ ତୁମ ସ୍ଵର୍ଗ ରାଜ୍ୟ ସ୍ଥାନ
ଆନନ୍ଦରେ ଗାଉଥିବି … ତୁମ ଜୟ ଗାନ… |୩|
ଏଇ ଜୀବନରେ ପ୍ରଭୁ ହେବି ଏକା ତୁମର
ତୁମ ଗଉରବ ପାଇଁ
ଯେହ୍ନେ ହେବି ମୁହିଁ ସଦା ବ୍ୟବହାର … (ଘୋଷା)
କ୍ଷଣିକ ଏହି ଜଗତ ମୋହ ମାୟାରେ ପୂରିତ
ଟାଣେ ଏ ହୃଦୟ ମନ କରେ ତୁମଠୁ ଦୂରିତ
ଧର ହେ ପ୍ରଭୁ ତୁମରି ହସ୍ତେ
କରି ସଦା ନିଜର … |୧|
ସଂସାର ଜଞ୍ଜାଳ ଭାର ଭାଙ୍ଗ ବିଶ୍ୱାସ ମୋହର
ସନ୍ଦେହ ଉଠଇ ମନେ ଯିବାକୁ ସରଗପୁର
ତୁମ ଶକତି ଧୌର୍ଯ୍ୟରେ ଭରି
କରାଅ ଅଗ୍ରସର …. |୨|
ସମର୍ପିଛି ମୋ ଜୀବନ ତୁମରି ପୂତ ପୟରେ
ହଟିବିନି ଆଉ କେବେ ଯେହେତୁ ମୁଁ ତୁମ ହସ୍ତରେ
ଥୋଇଛି ପ୍ରଭୁ ପ୍ରତିଟି ଭାର
ସମ୍ଭାଳ ଆମ୍ବା ମୋର … |୩|
କେହି ନାହିଁ ମୋର ଜଗତେ ନିଜର
ଆଶ୍ରା ନେବି ମୁଁ କାହାର
ଏ ମାୟା ସଂସାର ସବୁ ହି ଅସାର
ଦିନେ ହେବ ନାରଖାର (ଘୋଷା)
ଅସାର ଜଗତେ ଚାଲିବି କେମନ୍ତେ
ବଳ ଶକ୍ତି ନାହିଁ ମୋର
ଦିନେ କାନ୍ଦୁଥାଏ ଦିନେ ଭାବୁଥାଏ
ଯୀଶୁ ମୋତେ ଦୟା କର…. |୧|
ଭିକାରୀ ସମାନ ଅଟଇ ଜୀବନ
କାଟେ ଦୁଃଖେ ଦିନ ମୋର
ଭୋକିଲା ଜୀବନେ ଚାହେଁ ମୋର ପ୍ରାଣ
ଦେବ କେ ମୁଠେ ଆହାର…. |୨|
ସଂସାର ଜଞ୍ଜାଳ ଦିନ ପ୍ରତି ଦିନ
ଆସେ ହୋଇ ଭୟଙ୍କର
ହେଉଛି କାତରେ ମୋ ପ୍ରାଣ ଅସ୍ଥିର
ଦିଅ ସ୍ଥିର ମତି ମୋର… |୩|
ଆହେ ପ୍ରିୟ ଯୀଶୁ କରଇ ନିର୍ଭର
ତୁମ୍ଭେ ଏକା ଆଶ୍ରା ମୋର
ଅରପିବି ଆପ୍ କୁଶ ତଳେ ତବ ।
ରଖ ସୁସ୍ଥିରେ ନିରନ୍ତର… |୪|
ଧନ୍ୟବାଦ ଦିଅ ରାଜା ଯୀଶୁଙ୍କର
କରିଛନ୍ତି ଯୀଶୁ ପାପୁ ପରିତ୍ରାଣ ଦେଇ ନିଜର ପ୍ରାଣ
ଦୟାର ସାଗର, ପ୍ରେମେ ପରିପୂର୍ଣ୍ଣ
ସ୍ନେହଶୀଳ କୃପାମୟ (ଘୋଷା)
ଥିଲୁ ନିରୁପାୟ, ନଥିଲା ଉପାୟ
ନଥୁଲା ଭରସା ଆମ
ମଧ୍ୟସ୍ଥ ହୋଇଣ କରିଲେ ମିଳନ
ଧନ୍ୟ ଯୀଶୁଙ୍କର ନାମ …. |୧|
ଯୀଶୁଙ୍କର ପ୍ରେମ କରିବା ସ୍ମରଣ
ଭୁଲିବାନି କଦାଚନ
ବିଶ୍ଵାସେ ପାଇଛୁ ଅନନ୍ତ ଜୀବନ
ବଂଚିଥିବା ଚିରଦିନ…. |୨|
ଆଜିଠାରୁ ଆଉ ପାପ ତୁ ନକର
କର ଆଜ୍ଞାକୁ ପାଳନ
ସୁସ୍ଥ ହୋଇଅଛି ପାପ ରୋଗ ତୋର
ପ୍ରଶଂସା କରି ତାଙ୍କର… |୩|
ମୁଁ କାହାର ନୁହେଁ, ମୁଁ ଯୀଶୁଙ୍କର
ସେ ରକ୍ତରେ ମୋତେ କିଣିଛନ୍ତି
ସେ ମୋ ପାପ ପାଇଁ ଜୀବନ ଦେଇଛନ୍ତି (ଘୋଷା)
ସେ ବାଗଦାନ ମୋତେ କରିଛନ୍ତି
ପବିତ୍ର ଆମ୍ବା ବଇନା ଦେଇଛନ୍ତି।
ମୋତେ ସ୍ବର୍ଗରାଜ୍ୟକୁ ନେବା ପାଇଁ … |୧|
ମୋର ପାପ ସବୁ କ୍ଷମା କରିଛନ୍ତି
ପରିତ୍ରାଣ ଆନନ୍ଦ ଦେଇଛନ୍ତି
ଜୀବନ ପୁସ୍ତକେ ନାମ ଲେଖିଛନ୍ତି …. |୨|
କେଡେ ପ୍ରେମ ସେ ମୋତେ କରିଛନ୍ତି
ନିଜ ପୁତ୍ର ଅଧୁକାର ଦେଇଛନ୍ତି
ମୋର ସ୍ଵର୍ଗୀୟ ପିତା ସେ ହୋଇଛନ୍ତି … |୩|
ମୁଁ ତାଙ୍କ ଅପେକ୍ଷାରେ ରହିଅଛି ।
କେବେ ଆସିବେ ପ୍ରିୟ ଯୀଶୁ ସେହି
ଶୂନ୍ୟ ମଣ୍ଡଳେ ସାକ୍ଷାତ କରିବି ମୁହିଁ…. |୪|
ଏଇ ଜୀବନର ଆକାଶେ ଦିନେ
ସଂଧ୍ୟା ଆସିବ ନଇଁ ନଇଁ … (୨ ଥର)
ବଂଧୁ ତୁମେ କି ପ୍ରସ୍ତୁତ ଥିବା
ସେହି ମହାଯାତ୍ରା ପାଇଁ ?… (ଘୋଷା)
କୁହ ଯାତ୍ରା ଶେଷ ଜୀବନ ମୁକୁଟ
ରହିଛି କି ତୁମ ପାଇଁ ?
ପାଇଛ କି ତୁମେ ଜୀବନେ-ଅଶେଷ
ପ୍ରଲୋଭନ ବାଧା ଡେଇଁ ?
ଆସ କୁଶ ତଳେ ଯଦି ତୁମ ପାଶେ
ତ୍ରାଣ ଅନୁଭୂତି ନାହିଁ…. |୧|
ଜଗତ ଅଟେ ଯେ ଦୁଇଦିନ ପାଇଁ
ଅଭିନୟ ମଞ୍ଚ ଏକ (୨ ଥର)
ଧନ ଯଉବନ ଆହୁରି କ୍ଷଣିକ
ଅନିତ୍ୟ ଅଟେ ସେ ସୁଖ
ହୁଅ ଯାତ୍ରୀ ତୁମେ ଭୁଲି ଜଗତକୁ
ଅନନ୍ତ ଜୀବନ ପାଇଁ…. |୨|
Click the link below to listen full song and know the tune
ପ୍ରଭୋ ବସିଛି ହେ ପଦ ତଳେ,
ତୁମ୍ଭ ବାଣୀ ମୁଁ ନଶୁଣି ଯିବି ନାହିଁ କାହିଁ ଭଲେ (ଘୋଷା)
ନିଜ ଚିନ୍ତା ପଥେ ଯାଇ ପଥେ ଦିଶାହରା ହୋଇ,
ବସିଛି ସବୁ ହରାଇ ଜଞ୍ଜାଳର କୋଳାହଳେ… |୧|
ତବ ପୁଣ୍ୟ ଇଚ୍ଛା-ପଥ ଦେଖାଅ କରି ଇଙ୍ଗିତ,
ଚଳାଅ ଧରି ମୋ ହାତ, ନ ଟଳିବି ଯେହ୍ନେ ଚୂଳେ… |୨|
ନାହିଁ ମୋର ଭକ୍ତି ଲୟ, ହୃଦୟ ସଦା ଅଥୟ,
ବାନ୍ଧି ରଖି ଏ ହୃଦୟ ଚିର ପ୍ରେମ-ବାହୁ ବଳେ… |୩|
ସୁନ୍ଦର ମୁଖ ତୁମ୍ଭର ନିରେଖିବି ନିରନ୍ତର,
ଏ ଇଚ୍ଛା ସତତ ମୋର ନ ଛାଡ଼ିବି କାଳେ କାଳେ… |୪|
ତୁମ୍ଭଠାରେ ପ୍ରଭୁ ନେଲି ଶରଣ (ଘୋଷା)
ଅଜ୍ଞାନ ଅଧମକୁ ତୁମ୍ଭ ପଥେ ଯିବାକୁ
ଧର୍ମ-ଦୀପ୍ତି ପ୍ରଭୁ ହେ କର ଦାନ… |୧|
ବଳ ନାହିଁ ମୋହର,
ଶତୁ ପୁଣି ଅପାର
ସ୍ଵର୍ଗୀୟ ବଳେ କର ବଳବାନ… |୨|
ନିବିଡ଼ ଅନ୍ଧକାରପୂର୍ଣ୍ଣ ଏହି ସଂସାର
ହସ୍ତ ଧରି କରାଅ ହେ ଗମନ… I୩I
ମୋର ବିଶ୍ବାସ କ୍ଷୀଣ ସଦା ଅସ୍ଥିର ମନ
କର ସୁସ୍ଥିର କରି ଆତ୍ମା ଦାନ I୪I
ହିତ ବାକ୍ୟ ତୁମ୍ଭର
ହେଉ ଗଳାର ହାର
ପ୍ରାର୍ଥନାରେ ଜାଗ୍ରତ ଥାଉ ମନ… |୫|
ନିତ୍ୟ ରଖି ମୋ ଦୃଷ୍ଟି
କାଲବରୀ କୁଶ ପ୍ରତି
ଯେହ୍ନେ ଧାଇଁବି ମୁହିଁ ଅନୁକ୍ଷଣ… |୬|