କେଡେ ଅପରାଧ କଲି ଆଜ୍ଞା ଇଂଘିଲି,
କାଳ କବଳାୟତ ହୋଇଲି (ଘୋଷା)
ଧର୍ମଦ୍ରୋହୀ ହୋଇଲି, ପାପ ରଙ୍ଗ ମଜିଲି,
କାମ, କ୍ରୋଧ, ଲୋଭ, ମୋହ, ମନ୍ଦାନ୍ଧ ହେଲି,
ସପନକୁ ତ ସତ୍ୟ ମଣିଲି |୧|
ସାଧୁସଙ୍ଗ ଛାଡ଼ିଲି, ଖଣ୍ଟ ହସ୍ତେ ପଡିଲି,
ବିବେକ ମନା ନ ମାନି ପାଷାଣ୍ଡ ହେଲି,
ନିଜ ହସ୍ତେ ସୃଜିହ୍ଵା ଛେଦିଲି |୨|
କାୟ ମନୋବାଜ୍ୟରେ କୁସିତ ଆଳାପରେ,
ସଦା ଦୋଷୀ ହୋଇ ନିଜ ଆମା ଭୁଲିଲି,
ପର ଗତି ତିଳେ ନ ଭାଳିଲି |୩|
ହେ ଯୀଶୁ କ୍ଷମାବାନ ପତିତର ପାବନ,
ତୁମ ବିନୁ ତ୍ରାଣକର୍ତ୍ତା ମୁଁ ନ ପାଇଲି,
ଶ୍ରୀଚରଣେ ଶରଣ ପଶିଲି |୪|
ତାକୁ ଭୁଲିଲୁ କିରେ
ତୋ ପାଇଁ ଯାହାର ନେତୁ ଲୋତକ ଝରେ
ତୋ ଚିନ୍ତାରେ ହୋଇ ଭାରି ସରଗ ସୁଖ ବିସୋରୀ,
ଦେଇଛି ରକତ ଢ଼ାଳି ପ୍ରେମେ କୁଶରେ |୧|
ହାତ, ପାଦେ, ଲୁହା ପ୍ରେକ, ମୁଣ୍ଡରେ କଣ୍ଟା ମୁକୁଟ,
ଦାରୁଣ କୁମ୍ଭ ( ବର୍ଦ୍ଧା) ଆଘାତ ଯାର ବକ୍ଷରେ |୨|
ଶୋକ, ସନ୍ତାପ ଦୁଦ୍ଦିନେ ସଙ୍କଟ ବିଜନ ବନେ
ଅବତରି ସଂଗୋପନେ ଉଦ୍ଧରି ଧରେ |୩|
ତୁ ତାକୁ ପାଶୋରି ଗଲେ ସେ ତୋତେ ତିଳେ ନ ଭୁଲେ
ଲୁଚି ରହି ଅନ୍ତରାଳେ କାନ୍ଦେ ଆକୁଳେ |୪|
ମୃତ୍ୟୁ ଛାୟା ଘେରା ପଥେ ବିଜୟ ମଣ୍ଡିତ ରଥେ
ସାରଥି ହୋଇ ତୋ ସାଥେ ଚାଲେ ମନ୍ତ୍ରରେ |୫|
ବଢାଅ ବଢାଅ ଯୀଶୁ ତୁମ୍ଭ ପ୍ରତି ପ୍ରେମ ଭକ୍ତି,
ଏହି ଭିକ୍ଷା ଶ୍ରୀଚରଣେ ନାହିଁ ଆଉ ଅନ୍ୟ ଗତି (ଘୋଷା)
ପାର୍ଥିବ ବସ୍ତୁରେ ନାନା ପ୍ରଚୁର ଥୁଲା ବାସନା,
ଯାଇଛି ସେ ଦିନ ମୋର ଯାଇଛି ସେସବୁ ପ୍ରୀତି |୧|
ସୁଖ ସଂପଦ ଚାହେଁନା କେବଳ ଏହି ପ୍ରାର୍ଥନା,
ବଢ଼େ ଯେହ୍ନେ ପ୍ରତିଦିନ ତୁମ ପ୍ରତି ପ୍ରେମ ଭକ୍ତି |୨|
ଦୁଃଖରେ କାତର ନୁହେଁ ଯଦି ତୁମ ଦୟା ପାଏ,
ତୁମରି ପ୍ରେମରେ ମୋର ମନେ ହେବ ଶାନ୍ତି ତୃପ୍ତି |୩|
ଆସ ଦୁଃଖ ତାପ ନାନା ଆସ ଯାତନା ବେଦନା,
ସବୁ ମିଳି ଏକ ସଙ୍ଗେ ବଢ଼ାଅ ମୋ ପ୍ରେମ ଭକ୍ତି |୪|
ଯୀଶୁ ତୁମକୁ ଚାହେଁ ମୋ ଜୀବନ ଦେଖାଏ,
ତବ ଆମା ପୂଣ୍ଠଦାନ, କରି ମୋତେ ପ୍ରଦାନ (ଘୋଷା)
ଆଉ ଚାହେଁ ତୁମରେ ହି, ଚାହେଁ ତୁମରେ,
ଆହୁରି ହୃଦେ ଚାହେଁ ତୁମ ପ୍ରେମେ ଡୁବିଯାଏ
ଆଉ ତୁମ ଅଭିଳାଷ, ହୃଦରେ କର ବିକାଶ,
ତୁମର ବିନା ଆନ ନାହିଁ ମୋ ପ୍ରୟୋଜନ |୧|
ତବ ବାକ୍ୟ ମଧୁମୟ ହେଉ ମୋ ଅତି ପ୍ରିୟ
ଶୁଣି ମୁଁ ତା ସ୍ବର୍ଗୀୟ ସୁଖେ ହେବି ତନ୍ମୟ
ତୁମ କୁଶ-ଗୌରବ ମୃତ୍ୟୁଞ୍ଜୟୀ ପ୍ରଭାବ
ଗାଇବି ନିରନ୍ତର ଯୁଗେ ଯୁଗେ ତୁମର |୨|
କେଡ଼େ ପ୍ରେମ କଲ ଯୀଶୁ ହେ ସୁନ୍ଦର
ଛାର ପାପୀର ନିମିତ୍ତେ ତୁମ ପରାଣ ଦେଲ (ଘୋଷା)
ଛକି କାଠେ ଚଢ଼ିଲ ବର୍ଦ୍ଧାଘାତ ପାଇଲ,
କାଖତକୁ ବହିଲା ଧାର ଧାର ରୁଧୁର |୧|
ହାତ, ପାଦେ ପ୍ରେକ ମାଡ,
ମଥା ଉପରେ କଣ୍ଟା ବାଡ, ମଥା ପରେ କଣ୍ଟା ବାଡ,
ଶୋଷେ ହୋଇଲ ବ୍ୟାକୁଳ କି ଦୁଃଖ ଭୋଗିଲ |୨|
ଯୀଶୁ ନାହିଁ କେ ତୁମ ପରି,
ପର ଲାଗି ନିଜେ ଗୋ ମରି, ପର ଲାଗି ନିଜେ ମରି,
ବିଶ୍ୱ-ମଙ୍ଗଳ ବିହିଲ ସତ୍ୟ-ପଥ ରଚିଲ |୩|
ତବ ପ୍ରେମ ଦେଖି ହେ ଯୀଶୁ ହେଲି ମୁଁ ହତ ଜ୍ଞାନ
ତୁମେ ପ୍ରାଣ ଦେଇ ନାଥ
ପ୍ରାଣ କିଣିଛ ମୋ ପ୍ରାଣର ପ୍ରାଣ… (ଘୋଷା)
ଆହା, କି ଯାତନାରେ ପ୍ରେକଶେଳ ବିନ୍ଧାରେ,
ପ୍ରାଣ କଂପୁଅଛି ଥର ଥର କରିଲେ କୁଶ ଧ୍ୟାନ… |୧|
କ୍ଷୁଦ୍ରରୁ ମୁଁ ଅତି କ୍ଷୁଦ୍ର ଜ୍ଞାନେ ହୋଇଛି ଆଦ୍ର,
ମୋର ଯୁଦ୍ର ମନେ ରହେ ଯେହ୍ନେ ସେ ଯୀଶୁଙ୍କ ନାମ… |୨|
ଏ କି ଶୁଭ ଖବର ପ୍ରିୟ ଯୀଶୁ ମୋହର,
ସେ ଯୀଶୁଙ୍କ ମତେ ପିତା ହସ୍ତେ ନାମ ଲେଖା ମୋର… |୩|
ମୁଁ ତ ପାପୀ ନଗଣ୍ୟ ହେଲି ଯୀଶୁରେ ଗଣ୍ୟ
ତହୁଁ ଯୀଶୁ ଧନ୍ୟ ଯୀଶୁ ଧନ୍ୟ ଗାଏ ମୋ ପ୍ରାଣ… |୪|
ହେ ପ୍ରଭୁ ପ୍ରେମମୟ
ତୁମରି କୃପା କରୁ ଆମରି, ଜୀବନ ମଧୁମୟ .. (ଘୋଷା)
ଦେଇଛୁ ଦିନ ବିତାଇ ଯେତେ ପାପ କାଳିମା ନେଇ,
ରଖିଲୁ ତୁମ ଶ୍ରୀପାଦ ପଦ୍ମେ, କ୍ଷମା କର ଦୟାମୟ
ତୁମରି କୃପା କରୁ ଆମରି, ଜୀବନ ମଧୁମୟ… |୧ |
ମୋ ପାପ ଅଙ୍ଗେ ବହିଲ ପ୍ରଭୁ ନିଜକୁ ବଳି ଦେଇ
କାଲବରୀର ରକତ ଧାରେ, ସେ ସବୁ ଧୋଇ ଦିଆ
ତୁମରି କୃପା କରୁ ହେ ପ୍ରଭୁ, ଜୀବନ ମଧୁମୟ …|୨|
ମରମେ ଉଠେ ଜାଗି ହେ ପ୍ରଭୁ, ତବ ପରଶ ପାଇ
ତମସା ଘେରା ଆମ ଅନ୍ତର, କର ଆଲୋକମୟ
ତୁମରି କୃପା କରୁ ହେ ପ୍ରଭୁ, ଜୀବନ ମଧୁମୟ…|୩|
ଯୀଶୁ ତୋ ଜୀବନ ଝର ଦିଅନ୍ତି ଆଶିଷ ବର
ଜୀବନର ପଥେ ଚାଲ ହେ ପଥିକ,
ଯୀଶୁ ଚରଣେ ନିଅ ଶରଣ… (ଘୋଷା)
କୁଶ ତୋ ସାଥ ଆଉ କୁଶ ତୋ ମୁକତି
ଯୀଶୁ ହାତ ଧରି ନିତି ପାଇବୁ ଶକତି
କୋମଳ ସୁନ୍ଦର ସେ ଯେ ପ୍ରେମମୟ
କର ଆଜି ତାଙ୍କୁ ଗ୍ରହଣ … ଯୀଶୁ ତୋ… |୧|
ଅନ୍ଧାର ପଥେ ସେ ଯେ ଆଲୋକର ଧାରା
ଜୟ ଯୀଶୁ ଜୟ ଗାଅ ଏ ଜଗତ ସାରା
ମହିମା ପ୍ରଶଂସା ଗଉରବ ଗୀତି
ଯୁଗେ ଯୁଗେ ହେଉ ତାଙ୍କର … |୨|
ଯୀଶୁର ଚରଣେ ତୋର ପାପ ଦିଅ ଥୋଇ
ଯୀଶୁର ରକତେ ଯିବ ଯେତେ ପାପ ଧୋଇ
ଭୁଲନା ସେ ପ୍ରେମ ସେ ମଧୁର ନାମ
ଯୀଶୁ ନାମ ହେଉ ତୋ ସାର… ଯୀଶୁ ତୋ…|୩|
ହୋଶାନ୍ତା ହାଲିଲୁୟା
ଗାଅ ଯୀଶୁ ନାମେ ହାଲିଲୁୟା ହୋଶାନ୍ତା
ଆସ ଯିବା ମିଳି ଶତ ସ୍ଵର ତୋଳି
ଯୀଶୁ ଜ୍ୟୋର୍ତି ଧରାରେ… (ଘୋଷା)
ଆଜିର ଏ ଶୁଭ ଦିନେ, ସ୍ୱାଗତିକା ଗୀତି ତାନେ
ପୁରାଇବା ଧରା ଜୟ ଜୟ ଗାନେ, ଅଳସ ବିଳାସ ତେଳି
କାଟିବା ଜୀବନ ଯୀଶୁର ଧିଆନେ,
ଯୀଶୁ ପରା ଆମ ସାଥୀ… | ୧ |
ଶତ ମନ ଦୀପ ଜାଳି, ଭକତିରେ ଦିଅ ସାଜି
କୋଟିଏ ମନର ଜାଗରଣ ଦୀପ ସରାଗରେ ଉଠୁଭରି
ଦୂରେ ଯିବ ଶତ ଶୋକ ଅବସାଦ,
ଆଲୋକିତ ଅମାରାତି … |୨|
ପ୍ରିୟତମ ଯୀଶୁ ମମ, ଦେବେ ଧୋଇ ପାପ ତମ
ଜାଗ ଜାଗ ଯୁବ ତରୁଣ ଜାଗରେ,
ଆଗେଇ ଚାଲରେ ପାପ ତେଜି
ବରି ନିଅ ତାରେ ଜୀବନ ସୀମାରେ,
ଦିଅରେ ଆରତି ସାଜି… |୩|
ଅନ୍ଧାର ଦିଅ ଦୂର କରି,
ହେ ମନ ରାଇଜ ଆଲୋକିତ ପଥ ସାଥୀ
ଚିର ଉତ୍କଳ ହେ ବିଶ୍ବକରତା
ତୁମଠାରେ ପ୍ରଭୁ କରିଛୁ ଭରସା
ରଖି ତୁମ ପଦେ ମତି, ଅନ୍ଧାର ଦିଅ ଦୂର କରି … (ଘୋଷା)
ତୁମେ ଦିଅ ମନେ ନିତି ନବଭାବେ ଚାଳନା
ଭରି ପ୍ରତି ପ୍ରାଣେ ନୂତନର ଶୁଭ କାମନା
ଦିଅ ହେ ଆଶିଷ ଏତିକି ଶ୍ରୀପାଦେ ଅଳି,
ଅନ୍ଧାର ଦିଅ ଦୂର କରି … |୧|
ନାହିଁ କିଛି ଆମ, ପାପ ମଳିନ ମରମ
ଅରଚନା ଘେନ, ଦିଅ ଆଜି ଦରଶନ
ତୁମ ସାଥେ ନିତି ଗାଇବୁ ପରାଣ ଭରି
ଅନ୍ଧାର ଦିଅ ଦୂର କରି … |୨|