ଭୁଜ ତଳେ ମୋତେ ରଖ ମହାପ୍ରଭୁ,
ବାହୁ ତଳେ ମୋତେ ରଖା
ତବ ପବିତ୍ର ଭୁଜ ବିସ୍ତାରି ଦେଲେ,
ଛାର କି କରିବ ସେ ଦୁଃଖ (ଘୋଷା)
ଦୁଃଖିନୀର ସାଥୀ ଅଧମର ଗତି,
ଅନାଥର ତୁମେ ନାଥ
ସଜ ହୋଇଥିବ ଏ ଅଧମ ତବ,
ନିରତ ସେବାରେ ରତ ..
ତୁମେ ଦୀନବଂଧୁ ନିର୍ଦ୍ଦୟ ହୋଇଲେ,
ହେବ କି ଅନ୍ତରେ ସୁଖ |୧|
ଭୁବନ ମୋହନ ମୋ ତ୍ରାଣ କରତା,
ରଖେ ତବ ପାଦେ ମୋ ଚିତ୍ତ
ଦିନକୁ ଦିନ ତ ଦୁଃଖ ଅବିରତ, ମିଳଇ ନାହିଁ ତ ସୁଖ .
ଭାସିଯିବି ନାଥ ଏ ଭବ ସାଗରେ ରଖ ତ୍ରାଣ ଧନ ରଖା |୨|
ମୁଁ ଅତି ପତିତ ଭରସା ରଖିଛି ଶ୍ରୀଚରଣ ତଳେ ତବ
ଏ ଅଭଗା ମୂଢ଼ମତି ଯୋଡ଼ି କର, କହେ ମୋତେ ଦୟା କର
କେହି ନାହିଁ ମୋର ତୁମେ ଏକା ସାର,
ମିନତି ମୋ ବାରେ ଘେନ |୩|
ଜୟ ହାଲିଲୁୟା ଜୟ ଜୟ ବୋଲ ହେ
ଯୀଶୁ ନାମ ଗାଇ ଚାଲ ଧରି ମୁକ୍ତିର ମଶାଲ (ଆଜି) (ଘୋଷା)
ସର୍ବ ଶକ୍ତିମାନ ମହା ବିକ୍ରମୀ ରାଜା
ଗୌରବ ପ୍ରତାପେ ହେଉ ଅଛନ୍ତି ସଜା ।
ମହିମା ପ୍ରକାଶ ହେବ କିଛି ସମୟ
ଦୟା ସହିଷ୍ଣୁ ନଥିବ ତାଙ୍କ ବଦନେ |୧|
ସୂର୍ଗୀୟ ତେଜେ କରିବେ ସେ ଆଗମନ
ସଙ୍ଗେ ଦିବ୍ୟ ଦୃତ ଆଉ କିରୁବଗଣ
ତୁରୀ ନାଦେ କମ୍ପାଇବେ ଏହି ମେଦିନୀ
ସାକ୍ଷାତ କରିବେ ମନୋନୀତ ସେ କ୍ଷଣି |୨|
ଯଦି ମଳିନ ହୋଇଛି ବସ୍ତ୍ର ତୁମର
ଯୁବା ମେଷ ରକ୍ତେ ଧୋଇ ହୁଅ ସତ୍ଵର
ପ୍ରସ୍ତୁତ ହେବା ସୁଯୋଗ ନଥିବ ତେବେ
ଆସ ଆଜି କୁଶୀୟ ଝରଣା ନିକଟେ |୩|
ସ୍ଵର୍ଗୀୟ ତେଜ ହୋଇବ ଦେହ ଆମର
ଧନ୍ୟବାଦ ସ୍ତୁତି ଗାଇବା ନିରନ୍ତର
ମର ଶରୀରରଲୀନ ହେବ ସେ ଦିନ
ଆତ୍ମିକ ଶରୀରେ ପ୍ରବେଶିବା ସିୟୋନ I୪I
ଜାଗ ତାଗ ସୁପ୍ତ ପ୍ରାଣ ଆଜି ଜାଗରେ
ଦେଖ ଯୀଶୁଖ୍ରୀଷ୍ଟ ଆସିବାର ବେଳ ହୋଇଗଲା ରେ.. (ଘୋଷା)
ଡାକେ ପରିତ୍ରାଣର ବେଳା,
ଏ ଶୁଭ ସମୟ ଆଉ ନକରିହେଳା
କରି ଅନୁତାପ, ଛାଡି ପାପ, ଯୀଶୁ ନାମ ଜପରେ I୧|
ତେଜି ମୋହ, ବିଳାସ ଆଜି
ପବିତ୍ରତା ବସ୍ତେ ଅଙ୍ଗ ଦିଅରେସାଜି
(ଯେହ୍ନ) ଆରୋହିବୁ ମେଘ ରଥେ,
ଯୀଶୁ ରାଜା ସାଥିରେ ।୨।
ବିଶ୍ବାସ ପ୍ରଦୀପ ତୋହର
ଜଳି ସଦା ଆଲୋକିତ କରୁ ସଂସାର
(ସଦା) ଉଛୁଳି ଉଠୁ ଜୀବନ, ପବିତ୍ରାପା ତୈଳରେ |୩|
ଯୀଶୁ ହେ ଆଗାମୀ ରାଜନ,
ତବ ର ଧୋଇ ମୋତେ କର ନୂତନ
ଯେହ୍ନ ମିଳିବି ସେ ଶୁଭଦିନେ ପୁଲକିତ ପ୍ରାଣରେ
ଯୀଶୁ ! ତବ ସାଥିରେ I୪I
ବଡ ସଙ୍କଟର ଦିନ ଆସିବ ଦିନ ଆସିବା
ତେବେ କେଉଁଠାରେ ତୁମେ ଲୁଚିବ (ଘୋଷା)
ପର୍ବତ କନ୍ଦରେ ଲୁଚିଲେ ଯାଇ
ଲୁଚାଇ ତୋତେ ପାରିବ ନାହିଁ ।
ପ୍ରଭୁ ଯୀଶୁ ଚରଣେ ଅରପି ଦେବ (ସେ ଦିନ) … |୧|
ଗଭୀର ବାରି ଭିତରେ ବୁଡ଼ି
ଅପାର ଜଳରାଶି ଥିଲେ ହେ ମାଡି
ଥରହରେ ବାରି ଦେଖାଇ ଦେବ (ସେ ଦିନ) … |୨|
ସରଗ ମରତ ପାତାଳପୁର
ସବୁ ତ କୃତ ଅଟେ ତାଙ୍କର
ଆଉ ଲୁଚିବାର ସ୍ଥାନ ନଥିବ (ସେ ଦିନ) . |୩|
ବିଚାର ସିଂହାସନର କତି ।
ଉଭା ହୋଇବେ ଯାଇ ସରିବ ଜାତି
କହ କିସ ବୋଲି ଉତ୍ତର ଦେବ (ସେ ଦିନ) . I୪I
ସେହି ପ୍ରିୟ ଯୀଶୁ ପାଦ ତଳେ
ଭକତି ଅଞ୍ଜଳି ଢ଼ାଳେ … ମୁଁ … (ଘୋଷା)
ସେ ନାମରେ ଛୋଟା ଚାଲିଥିଲା
ସେହି ନାମ ମୋର ଜୀବନ ସଂଗୀତ
ସେ ନାମେ ଶାନ୍ତି ମିଳେ … ମୁଁ … |୧|
ପାଇଛି ସେ ନାମ ଦେଇ ମୋ ଜୀବନ
ତାଙ୍କରି ଚରଣ ତଳେ… ମୁଁ … |୨|
ସମର୍ପିବି ଯୀଶୁ ପାଦେ ଯାହା ଅଛି ମୋହର
କରିବି ମୁଁ ପ୍ରେମ ତାଙ୍କୁ ଶକ୍ତି ଦେଇ ମୋହର (ଘୋଷା)
ସବୁ ମୁଁ ଦେବି ସମର୍ପି ଦେବି
ପ୍ରିୟ ଯୀଶୁ ପାଦେ ତୁମ ସମର୍ପି ଦେବି … I୧I
ସବୁ ଦେବି ଯୀଶୁ ପାଦେ ନତ ହେବି ଚରଣେ
ଲୋଡ଼ା ନାହିଁ ପୃଥିବୀରେ ସୁଖ ଯେତେ ଜୀବନେ |୨|
ସବୁ ଦେବି ତୁମ ପାଦେ କର ଯୀଶୁ ତୁମର
ତବ ପୁଣ୍ୟ ଜ୍ଞାନ ଦାନେ ହୁଅ ତୁମେ ମୋହର… |୩|
ସବୁ ଦେବି ଯୀଶୁ ପାଦେ ଦେବି ମୋର ସର୍ବସ୍
ରଖି ପ୍ରାଣ ପ୍ରେମେ ତୁମ ଢ଼ାଳି ଦେଇ ସର୍ବସ୍ I୪|
ସବୁ ଦେବି ଯୀଶୁ ପାଦେ ଘେନି ପୁଣ୍ୟ ଆଲୋକ
ପରିତ୍ରାଣ ଆନନ୍ଦରେ ଗାଇବି ଜୟ ଗୀତ |୫|
ଦେଖ ଦେଖ କିଏ ଆସୁଛନ୍ତି ମହା ଗୌରବରେ ଆସୁଛନ୍ତି
ଚକ୍ଷୁ ଉଠାଇ ଉଦ୍ଧିକୁ ଦେଖା
ଆମ ଯୀଶୁ ରାଜା ଆସୁଛନ୍ତି (ଘୋଷା)
କେଡ଼େ ସୁନ୍ଦର ଏ ସାଜସଜା
ସରଗର ବିଭବରେ ସଜ୍ଜା
ବାଜା ବାଜୁଛି ଦୃତ ଗାଉଛି
ଗଉରବେ ଯୀଶୁ ଆସୁଛନ୍ତି… |୧|
ଆଉ ନାହିଁ ତ ସେ କଣ୍ଟା ମୁକୁଟ
ବର ବେଶରେ ଏବେ ସଜିତ
ବଧୁ ସାଜିଛି ଗୁଣେ ଭରିଛି
କନ୍ୟା ନେବେ ବର ଆସୁଛନ୍ତି । ୨ ||
ସୂର୍ଯ୍ୟ ଚନ୍ଦ୍ର ନାହାନ୍ତି ଉଦ୍ଧରେ
ମଲା ପଡ଼ିନି ଦେହ ସେଠାରେ
ଭୟ ରହିଛି ହୃଦ କଂପୁଛି
ନ୍ୟାୟ ଦେବେ ଯୀଶୁ ଆସୁଛନ୍ତି… |୩|
ଏହି ପୃଥିବୀ ଲୋପ ପାଇବା
ଏକ ନୂଆ ଦୁନିଆ ସୃଷ୍ଟି ହୋଇବ
ସବୁ ନୂଆ ହେବ ସୃଷ୍ଟି ନୂଆ ହେବ
ରାଜ୍ୟ କରିବେ ଯୀଶୁ ଆସୁଛନ୍ତି I୪I
ଆମେରେ ଉଯୋଗୀ ସଇନ ମୁକ୍ତିର ମଶାଲ ହାତେ (ଘୋଷା)
ଆମ ସେନାପତି ତ୍ରିପୁର ବିଜୟୀ
ତ୍ରିପୁର ବିଜୟୀ ସେ ମୃତ୍ୟୁଞ୍ଜୟୀ
ସ୍ଵର୍ଗପୁର ତ୍ୟାଗୀ ଆସିଲେ ଓହ୍ଲାଇ ରାଜୀବରେ
ଶାନ୍ତି ମୈତ୍ରୀ ଏ ଭବେ |୧|
ଆମ ହାତେ ଜଳେ ଆଲୋକ ବତୀକା
ଲଲାଟେ ଶୋଭେ ବିଜୟର ଟୀକା
ନାଶିବୁ ଆମେ ବ୍ୟାବଳ ଶକତି
ଉଡ଼ାଇ ବିଜୟ ପତାକା ନଭେ |୨|
ଜାଗରେ ଜାଗରେ ସୁପ୍ତ ଜନତା
ଜାଗରେ ଆବାଳ-ବୃଦ୍ଧ-ବନିତା
ଜାଗି ଉଠୁ ଆଜି ଏ ନବ ଭାରତୀ
ଜାଗି ଉଠୁ ଆଜି ନବ ଶକତେ |୩|
ମୁହିଁ ପଡ଼ିଗଲେ ଧୂଳି ଝାଡି ତୋଳି ନିଅ ହାତେ … (ଘୋଷା)
ଜୀବନର ପ୍ରତି କ୍ଷଣେ ତୁମ ମୁଖ ଚାହିଁ
ଚାଲିବି ମୁଁ ତବ ପଦ ଚିହ୍ନି ପାଦ ଦେଇ
ଦୁର୍ବଳତା କେତେ ମୋର ଆସେ ଯେବେ ଘେରି
ବଢ଼ାଅ ମୋ ଶକ୍ତି ତବ ବାକ୍ୟ ଦାନ କରି
ପଥ ଚଲା ଶିଖାଅ ହେ ମୋତେ | ୧ |
ରହିଯାଏ ପଥେ ଯେବେ ପଥ ଚାଲିବାରେ
କ୍ଲାନ୍ତି ମୋର କ୍ଷମା କରି ନିଅ ଗୋ ସାଥିରେ
ଯାତ୍ରା ଶେଷେ ବୁଜିବି ମୁଁ ଆଖି ତବ କୋଳେ
ଅନନ୍ତ ବିଶ୍ରାମ ତହିଁ ଲଭିବି ଆପାରେ
ଗାଉଥିବି ପ୍ରଶଂସା ନିରତେ |୨|
ସେ ମଧୁର ନାମ ସେହି ସୁଧା ନାମ
ଜଗତରେ ଯୀଶୁ ନାମ ସବୁଠାରୁ ଅନୁପମ (ଘୋଷା)
ଅତୁଳ ସେ ନାମ ଅମର ସେ ନାମ
ସେଥିପାଇଁ ଭଲ ଲାଗେ ସବୁ ନାମଠାରୁ ଯୀଶୁ ନାମ … |୧|
ବିନା ସେହି ନାମ ବୃଥା ଏ ଜୀବନ
ଦୀନହୀନ ପାପୀ ପାଇଁ ଯୀଶୁ ନାମେ ଅଛି ପରିତ୍ରାଣ … |୨|